ينظم المعهد مع المعاهد الثانيه مباريات وديه يجمعون لهم كم واحد ويفرقون في ملعب صدقي مب استراحة 
.. لعبنا المباراة الاولى قبل اسبوعين كانوا كلهم برازيليين الا انا وكل واحد فيهم صاير ماردونا وانصكينا 4-1 وكان اللعب بربسه لدرجة كل هجمه مغيرين الحارس :D.
لعبنا المباراة الثانيه الاسبوع الماضي وسبحان الله كن ظافر ابو زنده هو الحكم :). لكن في الاخر هالبرازيليين فنانين لكن لين جا الجد ماعندك احد واحسن مافينا المدرب اللي ماشي على نظام ناصر الجوهر شدو حيلكم وبنفوز ,, الاسبوع الثاني رحت واشتري لي كنادر ذكرتني باوهين كيندي .. ونجي ونلعب والظاهر انها سوت تاثير عليهم ,, كن مافيه في الملعب الا انا يكسرونه لدرجة وصلت انهم يكسروني وياخذون الفاول هم
الطريف وشو .. ان هالبرازيليين فيهم انانيه مابعد شفتها في احد يمسك الكورة من الدفاع للهجوم ما عنده مشكلة انه ما يناول وخله يلعب على مزاجه لا تقوله امسك هالخانه والا رح لهالخانه والا امسك حارس ,, انا برازيلي وامسك حارس ؟ ياعيباه بس